राप्ती नगरपालिकाले “विद्यार्थीसँग नगरपालिका” कार्यक्रम सञ्चालन गर्दैछ। कार्यक्रम आज जेठ २३ गते देखि असार ३ गते सम्म चल्नेछ र भर्चुअल मार्फत हुनेछ।

कार्यक्रममा राप्ती नगरपालिकाका विद्यालयमा अध्ययनरत कक्षा ८ देखि १२ सम्मका सम्पूर्ण विद्यार्थीहरुलाई समेट्ने राप्ती नगरपालिकाले जनाएको छ।

कार्यक्रममा ईलाका प्रहरी कार्यालयका प्रहरी निरीक्षक राजीव गिरीले साइबर अपराध, लागू औषध दुर्व्यसनी, बाल यौन दुर्व्यवहार र यसबाट बच्ने उपायको बारेमा, पार्वती नेपालीले तनाव व्यवस्थापनको बारेमा र विपद तथा संकट व्यवस्थापन समिति चितवन जिल्ला संयोजक तथा नेपाल रेडक्रस सोसाइटी चितवन शाखाका सदस्य महेश्वर थपलियाले विपद व्यवस्थापन तथा प्राथमिक उपचार सम्बन्धि प्रशिक्षण दिनुहुने पनि नगरपालिकाले जनाएको छ।